დღეს, 21 აპრილს, 15-წლამდე ჭაბუკთა ლიგის ცენტრალური შეხვედრა თბილისში, შრომით რეზერვებზე გაიმართება, რომელშიც მეორეადგილოსანი გაგრა, გათამაშების ლიდერ თბილისის სფფ აკადემიას დაუპირისპირდება. შეხვედრა 14:00 საათზე დაიწყება.

თბილისში, სტადიონ შატილზე უმასპინძლებს მეტოქეს 17-წლამდე გუნდიც. გაგრელები ცხინვალელ თანატოლებს დაუპირისპირდებიან. 6 ტურის შემდეგ, გაგრას 2 ქულა აქვს, ცხინვალს კი 3. შეხვედრა 16:00 საათზე დაიწყება.

ხვალ, 22 აპრილს გაიმართება 19-წლამდე ლიგის მე-8 ტურის მატჩი. გაგრა, მუხრანში ქუთაისის ტორპედოს უმასპინძლებს. შეხვედრა 16:00 საათზე დაიწყება. 7 ტურის შემდეგ გაგრელები 11 ქულით მე-3 პოზიციაზე იმყოფებიან, ტორპედოს კი 10 ქულა აქვს და მეოთხეა.